Fréttir og tilkynningar

Caribbian Princess.

Neðstikaupstaður.

Vel er tekið á móti gestum.

Eggert Nielsen með söngfuglana úr Súðavík

Að venju var kötturinn Grettir mættur og beið þess að einhver henti í hann harðfiskbita.

Allir eru duglegir að smakka.

Oft er þröngt á þingi.

Grettir fylgist ábúðarfullur með hvað fer fram innandyra, en hann þekkir sín takmörk og veit að hann má ekki fara inn.

« 1 af 8 »

Í morgun kom til Ísafjarðar skemmtiferðaskipið Caribbian Princess, sem er 112.000 tonna skip og hefur það  3600 farþega innanborðs. Um 500 farþegar eru bókaðir í ferðir í Byggðasafnið og kom fyrsta rúta kl 7:30 í morgun, og að auki hefur verið nokkur lausatraffík. Eggert Nielsen og hópur krakka frá Súðavík syngur fyrir hópana og svo fá gestirnir líka að smakka harðfisk, hákarl og brennivín. Fólk kann misjafnlega vel að meta þær trakteringar en er þó óhrætt við að smakka.  Veðrið leikur við farþegana og lofa þeir Ísafjörð og fólkið þar í hástert.

Turnhúsið. Ljósm:Bj.B.

Heldur var hryssingslegt í Neðstakaupstað í gær, haustlægðirnar farnar að láta á sér kræla, og við erum rækilega minnt á það að við búum á Íslandi. Traffíkin í Byggðasafninu er farin að dala eftir gott sumar (hvað varðar gestafjölda, ekki veður), fjöldi skemmtiferðaskipafarþega hefur aldrei verið meiri, og í næstu viku er von á stóru skipi og eru bókaðir um 500 farþegar af því í skoðunarferð á safnið.

Byggðasafnið er opið alla daga frá kl 9-18 og verður fram til 15 september. Um 11000 manns hafa heimsótt safnið það sem af er sumri.

Ásgeir tekur við harmonikunni af Egil Öknes. Ljósm:Sigurður Harðarson

Ásgeir með harmonikuna. Ljósm: Sigurður Harðarson

« 1 af 2 »

Um verslunarmannahelgina var haldin harmonikuhátíðin "Nú er lag" á Varmalandi í Borgarfirði. Það var Félag harmonikuunnenda í Reykjavík sem hafði veg og vanda af hátíðinni að þessu sinni og var fjölbreytt dagskrá í boði. Hátíðin stóð yfir frá föstudegi til sunnudags og var mikið um að vera, tónleikar, sýningar og dansleikir. Aðsóknin á hátíðina er alltaf að aukast ár frá ári. Meðal gesta á hátíðinni voru Egil Öknes frá Noregi, og fyrir hönd Brönnöysund Trekkspillklubb færði hann Harmonikusafni Ásgeirs S.Sigurðssonar gamla hnappaharmoniku með norsku gripi. Harmonikan er í góðu ásigkomulagi og vel spilhæf. Ásgeir S. Sigurðsson var á staðnum og veitti harmonikunni viðtöku.