Fréttir og tilkynningar

Skýrsla um um hagkvæmni nýbyggingar í Neðstakaupstað á Ísafirði

Unnið hefur verið að skýrslu um um hagkvæmni nýbyggingar í Neðstakaupstað á Ísafirði. Helga Þórsdóttir starfsmaður safnsins nýtti reynslu sína og menntun í samantekt skýrslunnar. Hún sýnir með óyggjandi hætti fram á mikilvægi byggingarinnar þegar haft er í huga, og tekið er tillit til rannsókna opinberra stofnanna á þróun ferðamála til næstu ára. Skýrslan bendir einnig á að umgjörð og staðsetning safnsins eins og hún er í dag uppfyllir ekki þá miklu möguleika sem safnið bíður upp á.

Sjáið hér skýrsluna í heild sinni á þessari slóð:

Skýrsla um um hagkvæmni nýbyggingar í Neðstakaupstað á Ísafirði.

Við kveðjum gamla vefsíðu.

Velkomin á uppfærða heimasíðu safnsins. Tölvu- og netþjónustufyrirtækið Snerpa ehf. á heiðurinn að þeirri vinnu og hafa safnmenn í samvinnu við þá unnið að því að gera síðuna þannig úr garði að hún gefi glögga mynd af starfseminni. Það mun bætast við upplýsingar smátt og smátt á næstu vikum og verður m.a. hægt að rifja upp sýningar sem stafnið hefur staði fyrir nokkuð langt aftur í tímann. Einnig er ástæða til að vekja athygli á flipanum - Um safnið / skrár og skjöl sem hýsir margvíslegan fróðleik og upplýsingar. Það væri gott að fá viðbrögð ykkar og ábendingar um það sem betur má gera.

Byggðasafn Vestfjarða á 15 skráða báta. Af þeim eru 12 súðbyrðingar og allir forngripir nema tveir. Nú er svo komið að sjö bátar af 15 eru varðveittir á sjó. Aðrir eru í ferli yfirhalningar og eru þar mislangt komnir. Að auki fóstrar Byggðasafn Vestfjarða tvo merka súðbyrðinga í eigu Þjóðminjasafns Íslands. Það eru Þór frá Keldu við Mjóafjörð í Djúpi, um hann er fátt vitað og Ögra úr Ögurvíkinni, sexæringur, smíðaður um 1880-1890 af Kristjáni Kristjánssyni bónda og skipasmið í Þúfum í Reykjafjarðarhreppi.

Meira