Fréttir og tilkynningar

Frá og með 16. september er Byggðasafnið opið eftir samkomulagi. Ef óskað er eftir opnun er hægt að hringja í safnvörð, 848 4878 eða síma 456 3293 eða 987 3291.

Safnið verður svo opið daglega eftir miðjan maí frá kl. 9 til 5.

Ljósmynd: Áslaug Jensdóttir

Í fyrrahaust eignaðist Byggðasafn Vestfjarða vélbátinn Magnús KE 46, áður Gunnar Sigurðsson ÍS 13. Það voru þeir Erling Brim Ingimundarson og Þórarinn Ingi Ingason sem gáfu bátinn til Byggðasafnsins. Báturinn er Bátalónsbátur, smíðaður árið 1974 úr furu og eik, og er 13 brl. Hann er jafnframt fyrsti bátur þessarar gerðar sem smíðaður var með álhúsi samkvæmt ósk kaupanda.

Meira

Úr turninum. Ljósmynd: Þorsteinn Traustason

Í ár eru liðin 70 ár frá því að Byggðasafn Vestfjarða var stofnað að frumkvæði Bárðar G. Tómassonar. Í tilefni þess var efnt til útihátíðar í Neðstakaupstað laugardaginn 2 júlí s.l. Þar var ýmislegt um að vera, soðin var rækja fyrir gesti og gangandi og pillaði hver ofan í sig. Gestir gátu smakkað á hákarli, Saltfisksveitin tók nokkur lög, og börnin léku sér í parís. Um 100 manns lögðu leið sína í Neðsta og frítt var inn á safnið í tilefni dagsins.

Meira