Sýningar

Sýningar

Byggðasafn Vestfjarða stendur fyrir og kemur að sýningum á hverju ári. Safnið hefur í áranna rás verið í samstarfi við ýmsa aðila, einstaklinga, félagasamtök og fyrirtæki með uppsetningu og ráðgjöf. Árlega eru ýmsar tækifærissýningar oft í samvinnu við önnur söfn og sýningar á safnsvæðinu. Safnið er óþrjótandi brunnur gripa þegar kemur að sýningum og fræðslu um liðinn tíma og er fátt betra til skýringa en hluturinn sjálfur.

Árið 2023 stendur til í að fara í breytingar á grunnsýningu safnsins en það felst einna helst í því að endurskoða sýningu á neðri hæð í Turnhúsi þannig að hún endurspegli sem best sögu bæjarins, svæðisins í heild og þann uppgang sem átti sér stað þegar danskir kaupmenn stunduðu verslun á eyrinni og gamli bærinn byggðist upp í takt við vaxandi hafnarstarfsemi og sjósókn.